Токио-Яманаши (ФҮЖИ) аялал

Аяллын үзвэрүүд

  • Хотын аялал
  • Скай Трий цамхаг
  • Асакуса-Сенсожи сүм
  • Сүмида далай амьтдын аквариум
  • Одайба арал
  • Усан онгоцны аялал
  • Солонгон гүүр
  • Эрх чөлөөний хөшөө
  • Эзэн хааны ордон
  • Эртний түүхт Токио өртөө
  • Фүжи уул
  • Виноны үйлдвэр
  • Кавагүчи нуур
  • Ширайто хүрхрээ
  • Накамисэ гудамж
  • Шоппинг
  • Хоол

Аяллын үргэлжлэх хугацаа

  • 6 өдөр
  • 5 шөнө
  • Нислэг

Танилцуулга

Япон нь далайгаар хүрээлэгдсэн, урдаас хойш сунаж тогтсон арлын улс юм. Токио хот нь Япон улсын нийслэл бөгөөд, 47 мужийн нэг юм. Дэлхийн хамгийн их хүн амтай хотуудын тоонд ордог бөгөөд хүн амын тоо нь 14 саяыг даваад байна. Токио хот нь 23 дүүрэг, баруун талын Тама бүсийн 30 дагуул  хот Изү, Огасавара арлын 9 бага хот болон тосгодоос бүрддэг. Дэлхийд эдийн засгаараа Нью-Йорк хотын дараа хоёрдугаарт ордог. Яманаши нь үзэсгэлэнт байгаль, дарс үйлдвэрлэлээрээ алдартай бөгөөд энд Фүжи хайрхан, (Фүжигоко гэдэг нь Фүжи уулын хойд бэлд байх таван нуурыг хэлнэ) Яманака-ко, Кавагучи-ко, Сай-ко, Шожи-ко, Мотосу-ко хэмээх 5 нуур, амралт зугаалга, аялал жуулчлалын бүс байдаг. Эрт дээр үед Фүжи уулын галт уулын дэлбэрэлтээс үүссэн лаавын урсгал газар нутгаар тархаж, гол мөрнийг боож, улмаар эдгээр нуурууд үүссэн байна.

 

4.250.000+Нислэгийн тийз₮
    • Өдөр 1:
      • Нислэг эхлэхээс 3 цагийн өмнө Хөшигтийн хөндийн “Чингис хаан” ОУНБуудал дээр цугларч бүртгэл хийлгээд хил гаалиар нэвтэрнэ.
      • 08:55 цагт ОМ501 дугаартай нислэгээр Токиогийн чиглэлд хөөрнө.
      • 14:30 цагт “Нарита” ОУНБуудалд газардана.
      • Аяллын хөтөч тосон авч, Наритагаас Токио руу хөдөлнө. Хөтөч аяллын зааварчилгаа өгнө.
      • 17:00 Зочид буудалдаа байрлана.
      • Оройн хоол /Амралт, чөлөөт цаг/
    • Өдөр 2:
      • Өглөөний цай
      • 09:00 цагт аяллын унаандаа сууж, Токио хотын аяллаа эхлүүлнэ.
      • 09:30 ~ 10:20 Асакүса сүмийн аялал: Эртний түүхт Асакүсагийн Сэнсожи сүм болон сүмийн хажууд байрлах худалдааны Накамисэ гудамжаар аялна. Энд та Японы өвөрмөц содон амттан, бэлэг дурсгалын бараа, үндэсний хувцас зэргийг сонирхож болно.
      • 10:40 ~ 11:40 СҮМИДА далайн амьтдын усан сан орж далайн гахай, оцон шувуу, олон төрлийн загас болон олон төрлийн ховор далайн амьтдыг үзэх болно.
      • 11:50 ~ 12:30 Дараа нь Японы хамгийн өндөр “SKY TREE” Тэнгэрийн мод цамхаг (634м)-т гарч 350 м-ийн өндрөөс Токио хотыг бүхэлд нь тольдон харж мэлмийгээ баясгана.
      • 13:00 ~ 14:00 Өдрийн хоол
      • 14:00 Яманаши руу явна. (Ойролцоогоор 3 цаг 30 мин).
      • 17:30 Яманаши-д ирж, зочид буудалд байрлана.
      • 18:00 Оройн хоол
      • Амралт, чөлөөт цаг
    • Өдөр 3:
      • Өглөөний цай
      • 09:00 цагт аяллын унаандаа сууж, аяллаа эхлүүлнэ.
      • 10:00 ~ 10:40 Япон улсад ихэд алдаршсан Яманашигийн усан үзмийн дарсны үйлдвэрээр зочилон, дарсны амталгаа хийнэ.
      • 11:40 ~ 13:00 Юнескогийн Дэлхийн соёлын өвд бүртгэгдсэн Японы 108 галт уулын хамгийн өндөр (3,776m) Фүжи уулын 5 дахь зогсоол буюу 2,305м өндөрт автобустайгаа гарч, сүндэрлэн харагдах Фүжи хайрханыг дэргэдээс нь харна. Тэндээ үдийн хоол иднэ.
      • 13:40 ~ 14:10 КАВАГҮЧИ-КО нуурыг үзнэ. Кавагүчи нуурын эргээр салхилна.
      • 15:10 ~ 16:00 Японы алдартай хүрхрээний нэг ШИРАЙТО ХҮРХРЭЭ-г очиж үзнэ.
      • 16:10 Токио хот руу явна.
      • 19:00 Зочид буудалдаа ирж, байрлана.
      • 19:30 Оройн хоол
      • Амралт, чөлөөт цаг
    • Өдөр 4:
      • Өглөөний цай
      • 09:00 цагт аяллын унаандаа сууж Токио хотын аялалдаа гарна.
      • 10:00 ~ 11:00 Одайба арал руу явна. Токио хотын уран барилгын гайхамшгийг харж болох энэ бүсэд алдарт Фүжи тв барилга, Солонгон гүүр, Эрх чөлөөний хөшөөг харж, Одайба далайн эрэг дээр дурсгалын зургаа татуулах болно.
      • 11:30 ~ 12:30 Өдрийн хоол
      • 12:30 ~ 14:00 Шоппинг: “Diver City Tokyo Plaza”
      • 14:30 ~ 16:00 Одайба арлаар усан онгоцоор аялна. (Кофе эсвэл цай сонголттой гарна.)
      • 17:00 Зочид буудалдаа ирнэ.
      • 17:30 Оройн хоол
      • Амралт, чөлөөт цаг
    • Өдөр 5:
      • Өглөөний цай
      • ЧӨЛӨӨТ ӨДӨР: Та энэ өдрийг шоппинг хийж, хөтчөөс зааварчилгаа аван өөрөө хөтөлбөрөө зохион явах боломжтой.
    • Өдөр 6:
      • 07:00 Өглөө цай /Зочид буудлын өрөөгөө хүлээлгэн өгнө/.
      • 08:00 ~ 11:00 Нарита нисэх онгоцны буудал руу явна.
      • Онгоцны буудалд CHECK in хийнэ.
      • 15:30 цагт OM 502 нислэгээр “Нарита” ОУНБуудлаас хөөрнө.
      • 20:25 цагт Улаанбаатарт бууснаар энэ удаагийн аялал өндөрлөнө
    • Визний хураамж
    • Гадаадад зорчигчдын даатгал
    • Зочид буудал
    • Хөтөлбөрт орсон үзвэр үйлчилгээ
    • Хөтөлбөрт орсон хоол
    • Аяллын хөтөч, орчуулагч
    • Аяллын унаа тээвэр, жолоочийн үйлчилгээ
    • Аяллын компаний үйлчилгээ
    • УБ-Токио-УБ нислэгийн тийз
    • Хөтөлбөрт ороогүй нэмэлт хоол, үзвэр, бусад зүйлс
    • Зочид буудалд ганцаар байрлах төлбөр
    • Чөлөөт өдрийн хоол, унаа, хөтөч
    • PCR шинжилгээний төлбөр
    • Тус аялал нь Япон улсын Токио хот болон Яманаши мужид явагдана. УБ-Токио-УБ шууд нислэгээр аялах бөгөөд УБ-Нарита чиглэлд 4.5 цаг нисэх ба буцах үед агаарын урсгалаас хамаараад 5.5 цаг нисэх болно. Аялалд гарахын өмнө та дараах зүйлсийг анхаарч аяллаа илүү ая тухтай, амттай болгоорой.
      • Аялагч таны гадаад паспорт зөрчилгүй байх ба хүчинтэй хугацаа нь дор хаяж 6 сарын нөөцтэй байна.
      • Гадаад паспорт авснаас хойш гоо сайхны мэс засалд орсон бол эмчийн бичигтэй, түүнийгээ тухайн орны хэл дээр орчуулж, нотариатаар баталгаажуулж явах. Виз гарахад шаардлагатай материалыг шаардлагын дагуу бүрдүүлж өгнө үү.
      • Аялалд аав, ээж нь ХҮҮХЭД /18 нас хүрээгүй/ авч явах бол гадаад паспорт, төрсний гэрчилгээг авч явах. Хүүхдийг төрөл садангийн хүн хариуцан явах бол аав, ээжийн зөвшөөрөлтэй ИТГЭМЖЛЭЛ хийсэн байх, түүнийгээ тухайн орны хэл дээр орчуулж, нотариатаар баталгаажуулж авч явах.
      • Гэрээний дагуу аялах бөгөөд гэрээнд тусгаагүй зүйлийг шаардахгүй байхыг анхаарах.
      • Өөрөөс хамаарах хувийн бэлтгэлээ сайтар бэлтгэж хангасан байх. Цаг агаарын нөхцөлд тааруулан хувцасаа тохируулан бэлдэх. Авч явах ачаа нь овор хэмжээ ихгүй, зөөвөрлөх ачиж буулгахад хүндрэлгүй байх.
      • Хил гаалиар нэвтрэхдээ бусдын дайвар ачааг авч явахгүй байх.
      • Хил гаалиар гарах үед хувцасныхаа халаасанд хумсны хутга, хайч, хутга, тонгорог гэх мэт үзүүр иртэй зүйлүүд, 100мл-ээс дээш хэмжээний шингэн зүйл зэргийг авч явахгүй байхыг анхаарах. Тэдгээр зүйлсийг авч яваа бол том тээшиндээ хийсэн байх.
      • Элдэв хууч өвчинтэй бол эмчээс зөвлөлгөө авах, байнга уудаг эм зэргийг марталгүй авч явах. Ойр зуур эм бэлдэж авч явах шаардлагатай ба эмнэлгийн үйлчилгээ нэлээд үнэтэй байдаг гэдгийг санах.
      • Аялагч та гар тээшээ 5 кг, хадгалуулах ачаагаа 23 кг-д тохируулах нь зүйтэй бөгөөд илүү гарсан тохиололд ачааны төлбөр төлөх болохыг анхаарах.
Холбоо барих
Аяллын зөвлөх
  • +976 70078080
  • +976 98114748
  • +976 94001466

Холбоотой аялал