Манжуур нь “Хөгжин булаг” буюу “Бадран дэвших” гэсэн утгатай Монгол нэртэй байсан бөгөөд одоогийн тус нэрийг 1901онд барилгын ажил нь дууссан Хятадын алс дорно дахь төмөр замын “Манжуур” өртөөний нэрээр сольсон түүхтэй. Манжуур нь хойд талаараа ОХУ, баруун талаараа Монгол улстай хилэлдэг Өвөр Монголын Өөртөө Засах Орны зүүн хойд хэсгийн Хөлөнбуурийн талд байрладаг хот юм. Нийт газар нутгийн хэмжээ нь 739км2 ба ойролцоогоор 180,000 хүн амтай. 1992 онд Манжуур нь БНХАУ-ын анхны хилийн боомт хотуудын нэг болсноор Орос-Хятадын хилийн худалдааны чухал төв болж энэ үеэс эрчимтэй хөгжиж эхэлжээ. Эдүгээ аялал жуулчлал нь өдрөөс өдөрт хөгжин цэцэглэж, Манжуур хотод дэлхийн хүн зоныг татах барилга байшин нэмэгдсээр байна. Манжуур хот жилд дунджаар 4.5 сая жуулчин хүлээн авдаг байна.

Ингээд аялагчдынхаа зургаас хүргэе.